Sipas disa burimeve nga Ministria e Financave, Ministri Arben Ahmetaj ka nxjerrë një urdhër për Drejtorinë e Përgjithshme të Tatimeve dhe Drejtorinë e Përgjithshme të Doganave për nisjen e kontrolleve të menjëhershme me qëllim verifikimin se sistemi për monitorimin dhe qarkullimin për tregtimin e karburanteve funksionon nën regjimin automatik sipas rregullit të detyrueshëm “Pa kupon tatimor, s’ka karburant”!
Mësohet se përmes këtij Urdhri Ahmetaj ka kërkuar masa të rrepta ndëshkuese për shkeljet e evidetuara, të cilat sipas legjislacionit në fuqi, përfshijnë konfiskim të mallit, bllokim të veprimtarisë apo kallëzim për ndjekje penale, sipas rastit. /b.d
