Ish-sulmuesi i Gallatasarajit dhe Turqisë, Hakan Sukur, është akuzuar për përfshirje në grushtin e shtetit të 15 korrikut në Turqi.
Sipas agjencisë Anadolu, Sukur akuzohet si anëtar i një grupi terorist të armatosur dhe për të është nxjerrë një urdhër arresti.
Policia ka bastisur shtëpinë e ish-lojtarit në Stamboll, ndërkohë që ai vetë dhe familja jetojnë prej një viti në SHBA.
Pasi la futbollin, Sukur iu fut politikës dhe u zgjodh deputet më 2011 me partinë e Erdoganit, Drejtësi e Zhvillim.
Por dha dorëheqjen më 2013, pas hetimeve për korrupsion ndaj Erdoganit dhe rrethit të tij të ngushtë, duke marrë anën e Fetullah Gülen.
The Sun/d.i.
