Deri në 11 shtator lista e fituesve në universitet do të pësojë ndryshime rrënjësore, pasi një pjesë e maturantëve do të regjistrohen, nëdrkohë që pjesa tjetër do të presin për një degë tjetër, ndërkohë që pritet të lirohen mijra vende të lira. Ministria e Arsimit ka sqaruar procesin se sib ëhet kontrolli “online” i renditjes së fituesve.
“Kandidati zgjedh të regjistrohet në një nga degët fituese, duke humbur mundësinë të regjistrohet në degët e tjera fituese. Në momentin që studenti regjistrohet pranë sekretarisë përkatëse, tabela do të azhornohet duke marrë pamjen e mëposhtme. Me ngjyrë të gjelbër shfaqet dega ku është regjistruar kandidati fitues, dhe me ngjyrë gri, të gjitha programet e tjera, fituese ose jo, nga të cilat kandidati është fshirë nga listat.
Në rastin kur, në një nga degët jo fituese, kandidati është shumë pranë limitit të kuotave, atëherë ekziston mundësia që studentit tí sinjalizohet programi me ngjyrë të verdhë. Ngjyra e verdhë në një program studimi, tregon se kandidati është fitues, për shkak të lirimit të kuotave nga kandidatët e tjerë të regjistruar në degë të tjera fituese. Mundësia për tu regjistruar në këtë program studimi do ju jepet në nënfazën e ardhshme, kur ngjyra e verdhë do të kthehet në të gjelbër, dhe tabela do të marrë pamjen si vijon”, – thotë Ministria e Arsimit.
Procedura
Deri në 11 shtator 2017 do të vijojë procesi i regjistrimit të aplikantëve në IAL. Kjo periudhë kohore do të jetë e ndarë në 7 faza 48 orëshe. Portali U-Albania është aktivizuar në datën 29 Gusht 2017. Portali i siguron cdo maturanti akses për të ndjekur online në kohë reale ecurinë e procesit të shpalljes fitues në njërin apo disa prej programeve të studimit nga ato që ka përzgjedhur gjatë 7 fazave 48 orëshe. Hyrja në portalin U-Albania mund të aksesohet vetëm nëpërmjet ID së maturantit. Në momentin kur shpallet fitues aplikanti duhet të paraqitet pranë IAL ku dëshiron të regjistrohet, brenda afatit 48 orësh.
Nëse aplikanti nuk regjistrohet brenda këtij afati 48 orësh, humbet të drejtën e regjistrimit në ato programe studimi ku ishte shpallur fitues në atë fazë. MAS njofton të gjithë maturantët të cilët: nuk kanë arritur të aplikojnë në raundin e parë. Kanë kryer proces aplikimi online në raundin e parë dhe nuk janë shpallur fitues. Kanë kryer procesin e aplikimit online në raundin e parë dhe nuk kanë arritur të regjistrohen. Janë çregjistruar pas përfundimit të raundit të pare, se do të kenë mundësi për rifilluar procedurat e aplikimit në raundin e dytë të regjistrimit në periudhën 15-22 Shtator 2017.
Dokumentat për tu regjistruar
Dokumentat për regjistrim
-Dokumenti i identifikimit. Fotokopjen e noterizuar të diplomës së Maturës Shtetërore ose të dëftesës së pjekurisë së bashku me çertifikatën e notave ose të një dëftese/diplome tjetër studimi të fituar jashtë vendit dhe të njehsuar në MAS.
-Deklaratën e cila plotësohet nga aplikanti në prani të punonjëses së sekretarisë mësimore. Mandat arkëtimin e Tarifës së regjistrimit të fituesve për Vitin Akademik 2017-2018 prej 2000 lek.
b.d
