Manchester United ka bërë gati ofertën që do t’i bëjë Real Madridit për yllin uellsian, Gareth Bale. Djajtë e Kuq kanë përfunduar në vendin e dytë në Ligën Premier dhe janë në finale të Kupës FA, ku do të takohen me Chelsean.
Megjithatë, dështimi në Ligën e Kampionëve ka bërë që drejtuesit e Djajve të Kuq të mendojnë përforcimin e skuadrës gjatë merkates verore. Emri i yllit të Real Madridit, Bale, është njëri nga më të kërkuarit e skuadrës nga Old Trafford.
Sipas medias spanjolle, Unitedi ka bërë gati ofertën që do ta bëjë në drejtim të Mbretërve për sulmuesin e tyre anësor.
Mediumi Don Balon raporton se klubi i madha anglez ka përgatitur 60 milionë euro dhe plus një lojtar për shërbimet e Bale.
Bale ka gjetur vështirësi të luaj këtë sezon nën drejtimin e Zinedine Zidanes dhe thuhet se ka kërkuar një largim nga Santiago Bernabeu këtë verë.
Djajtë e Kuq besojnë se me ofrimin e Anthony Martial në marrëveshje do të ndihmojë në uljen e çmimit të kërkuar nga Reali prej 100 milionë eurosh, përgatiti ”Telegrafi”. (b.an)
