Kryetari i grupit parlamentar të PS, Taulant Balla i ka lënë ultimatum Presidentit Meta që deri në orën 17:00 të dekretojë Edi Ramën, në postin e ministrit të Jashtëm. Por kreu i shtetit ia kthen në mënyrë ironike Balles, se nuk është Kryetar i Sigurimit Kombëtar për të vendosur ultimatume.
Balla: Besoj që deri në orën 17:00 zoti Meta do t’i ketë dhënë fund një historie të pakuptimtë të krijuar artificialisht dhe që në të gjitha ministritë të vijojë puna.
Besoj që shumë shpejt kjo çështja e të drejtës së shpikur nga vetëvetja e presidentit për ti hequr Kuvendit të Shqipërisë të drejtën për tu shprehur do të zgjidhet nga Gjykata Kushtetuese. Në këtë aspekt i jepet fund një situate artificiale për nevoja të brendshme të opozitës, duke shfrytëzuar përfaqësimin e tyre në presidencë kanë bllokuar në mënyrë antikushtetuese ekskluzivitetin e kryeministrit për ti propozuar Kuvendit përbërjen e këshillit të ministrave. Ju e shikoni që Opozita ka humbur besimin tek kryetari i tyre, kemi parë sesi presidenti Meta është munduar të bëjë kryetarin alternativ të opozitës.
Pyetje: Zoti Meta do ta dekretonin kryeministrin?
Meta: Kushtetuta e para
Pyetje: Do ta zhgënjeni zotin Balla apo jo?
Meta: Kush është ky kryetari i Këshillit të Sigurimit Kombëtar?!
a.cupaj
