Ëndrrat u prenë në mes! Një kërcim që ishte menduar të bëhej ditën e tyre më të lumtur mbeti vetëm një kujtim.
Bëhet fjalë për Tom Mann dhe Danielle Hampson, të fejuarën e këngëtarit që u nda nga jeta ditën e tyre të dasmës. Së fundmi ish-ylli i X Factor ka ndarë me ndjekësit e tij në Instagram një video ku duket me partneren e ndjerë duke bërë provat e kërcimit të tyre.
“Ti ishe gjithçka e bukur në këtë botë. Tre muaj pa mundur të të mbaj për dore dhe të ndjek drejtimin tënd. Unë jam shumë i humbur pa ty,”-shton artisti.
Danielle vdiq papritmas në mëngjesin e asaj që duhej të ishte dita e dasmës së tyre, në moshën 34 vjeçare, tre muaj më parë – dhe shkaku i vdekjes së saj nuk u zbulua kurrë.
Në korrik, Tom mbajti një përkujtimore për të fejuarën e tij të ndjerë teksa ndau një foto të miqve dhe familjes së tij ndërsa ishin mbledhur në një park, me mbishkrimin: “Sot ishte për Danin tonë”, së bashku me një emoji me zemër të bardhë.
/e.d
