Shoferi i një urbani ka ndërruar jetë nga komplikacione të shkaktuara nga koronavirusi, vetëm pak ditë pasi postoi një video ku ankohej për një pasagjere që kollitej.
Shoferi i autobusit në Detroit në Miçigan postoi një video në Facebook ku ankohej për pasagjeren rreth të 50-ave.
Ai dëgjohej teksa thoshte i revoltuar se po ushtron punën e tij publike duke vënë në rrezik jetën për të “ushqyer familjen”.
“Kjo pandemi, është e rrezikshme. Njerëzit duhet ta marrin seriozisht, nuk është shaka. Por kur një grua rreth të 50-ave kollitet katër a pesë herë pa vënë dorën, unë nuk fajësoj asnjë në botë përveç asaj”, dëgjohej të thoshte në video disa ditë më parë shoferi.
