Disa ditë më parë ambientalisti Sazan Guri u përball me një situatë debati ku u akuzua live për seksizëm nga aktivistja, Gersa Hasa, e cila më pas braktisi edhe emisionin.
Ky debat u “shua” me një ndjesë publike nga ana e Sazan Gurit në faqen e tij në Facebook.
Vetëm pak orë pas kësaj ndjese, i ftuar në Oranews, Guri sqaroi se gjithçka ishte një keqkuptim. Ai madje tha se mori kritika edhe nga familjarët.
“Televizioni është fraksione sekondash, është më i shkurtër se mendimi. Unë mendova që “e bukur” u barazoka me seksizëm. Bukuria i takon kryesisht grave. Kur e pashë se ajo që e mori ndryshe nuk fola më. Doja ta takoja, por ajo iku. I kërkova ndjesë, ishte një falje e sinqertë. Pata reagime se pse bëra statusin, por jam krenar. Do ti thosha që unë jam prindi jot, profesori jot. Ishte një keqkonceptim. Djali që erdhi nga Norvegjia më tërhoqi vëmendjen. Edhe gruaja. Është aktiviste, diell që lind. Është model, është aktiviste.”
/a.r
