Një vajzë 19-vjeçare në Turqi është në gjendje të rëndë për jetën pasi është qëlluar më armë zjarri në kokë.
Arsyeja është sa banale aq edhe tragjike. Mutlu Kaya kishte marrë pjesë në një talent show në televizionin kombëtar Sesi Cok Guzel.
Pasi ishte shfaqur ne transmetim, vajza kishte marrë kërcënime nga fisi i babait të saj dhe ishte trembur.
19-vjeçarja është marrë në shënjestër teksa ndodhej brenda shtëpisë saj në Ergani, pjesë e provincës konservatore Diyarbakir, qyteti kryesor i komunitetit kurd në juglindje të Turqisë.
Në momentin që është qëlluar me plumb në kokë nga kopshti i shtëpisë, vajza ishte duke bërë prova me këngët e saj.
Policia ka vënë në pranga 3 persona lidhur me ngjarjen, përfshirë edhe të fejuarin e 19-vjeçares.
