Kryeministri Edi Rama ka postuar në rrjetet sociale një formë të re marketingu nga një sipërmarrës privat.
Bëhet fjalë për një shtetas shqiptar që u ofron turistëve europianë jo vetëm shëtitje në pikat turistike të Shqipërisë, por edhe shërbimin te stomatologu.
Kjo inciativë quhet “Në Shqipëri për të udhëtuar dhe për të buzëqeshur”.
Postimi i Ramës:
A e dini se çdo vit më shumë se 1500 pacientë të huaj nga vendet e BE-së (Italia, Franca, Belgjika, Kroacia, Rumania, etj) vijnë e qëndrojnë 7-12 ditë në Shqipëri për të marrë shërbimet dentare apo të kirurgjisë estetike në një klinikë në Tiranë?
Në kohën e lirë atyre u ofrohen guida turistike në kryeqytet dhe qytete të tjera të Shqipërisë.
Falë impaktit të fortë të Programit Kombëtar të Rilindjes Urbane në katër vitet e fundit dhe rritjes së përvitshme të shërbimeve të hoteleri-turizmit, numri i këtij lloji të veçantë turistësh pritet të vijojë të rritet vit pas viti. /b.d
