Një turiste ka dashur të realizojë foto me një mjellmë, aq keq sa ka shkaktuar ngordhjen e shpendit të gjorë.
Ngjarja ka ndodhur në liqenin e Ohrit në Maqedoni, ndërsa turistja besohet se është shtetase bullgare. Në fotot e hedhura në internet, mjellma duket teksa tenton të largohet duke u rikthyer në ujë ndërsa një media maqedonase shkruan se pasi turistja mbaroi me fotografitë e hodhi mjellmën e ngordhur përtokë, shkruan Newsbomb.
Fotografitë kanë ngjallur revoltë jo vetëm në Maqedoni por në mbarë botën, Jo shumë kohë më parë, një delfin i vogël ngodhi pasi dhjetëra turistë e kishin nxjerrë nga uji dhe po e përdornin për selfie.
