Marrëveshja e Prespës ishte marrëveshje e vështirë, pasi e goditi rëndë nacionalizmin dhe patriotizmin fals, deklaroi kryeministri grek, Aleksis Cipras, në fjalimin që kishte në fokus të ardhmen e Europës, nevojës që të formohet në një bllok më progresiv para zgjedhjeve europiane në luftën kundër nacionalizmit dhe së djathtës radikale.
Ai dha këtë deklaratë në fund të konferencës njëditore me titull “Prosperitet për të gjithë në një Europë të qëndrueshme”, të organizuar nga Grupi i Aleancës Progresiste të Socialistëve dhe Demokratëve nga Parlamenti Europian, përfaqësisë së fondacionit ”Fridrih Ebert” në Greqi dhe Institutit për Hulumtime dhe Strategji Politike.
“Para një muaji në Parlamentin grek votuam një marrëveshje shumë, shumë të vështirë, por edhe të domosdoshme për vendin edhe për mbarë Ballkanin, ndoshta simbolike edhe për Europën. Marrëveshja e Prespës ishte marrëveshje e vështirë, pasi ishte goditje për nacionalizmin dhe patriotizmin fals. Disa pohuan se nuk kishin arsye që ta ndërmarrim këtë përgjegjësi dhe këtë çmim, çmim politik. Në një moment kyç rrezikuam shumicën parlamentare, rrezikuam edhe atë shkurt para fillimit të ciklit zgjedhor, shkurt para zgjedhjeve europiane, pa dallim çmimit”, tha Cipras.
Kryeministri grek u shpreh i rezervuar për forcat politike në Greqi të cilat nuk e mbështetën marrëveshjen duke thënë se “disa nuk patën guxim të rrezikojnë shumë më pak edhe pse e vetëquajnë veten progresistë’’,shkruan atsh. “Pse e bëmë këtë. Pse? Pasi ishim të sigurt se funksionojmë në bazë të parimeve tona dhe ishim të sigurt se e kryem detyrën patriotike pasi jemi në anën e drejtë të historisë”, tha kryeministri grek.
/a.meta
