Presidenti amerikan, Donald Trump deklaroi se kishte firmosur zgjatjen e sanksioneve kundër Rusisë, pavarësisht shqetësimeve serioze se ato nuk ishin perfekte.
”Deputetët i kishin shqyrtuar shqetësimet e Shtëpisë së Bardhë lidhur me ndikimin e këtyre masave mbi interesat e bizneseve dhe të aleatëve evropianë duke treguar më shumë fleksibilitet”, tha Trump në një deklaratë pas nënshkrimit të sanksioneve kundër Rusisë, Iranit dhe Koresë së Veriut.
”Mbetem i shqetësuar mbi limitet që ligji vendos mbi mundësinë e presidentit për të marrë vendime për politikën e jashtme”, thekson Trump.
“Duke limituar fleksibilitetin e ekzekutivit, ligji ia vështirëson SHBA-së mundësinë për të bërë marrëveshje të mira për popullin amerikan dhe afron më pranë njëra-tjetrës Kinën, Rusinë dhe Korenë e Veriut”, shton presidenti amerikan.
“Hartuesit e Kushtetutës sonë ia delegojnë presidentit çështjet e politikës së jashtme. Ky ligj do të provojë urtësinë e kësaj zgjedhjeje”, thekson Trump./b.d
