Gjetja e dy trupave të pajetë në një bunker në Tropojë pak ditë më parë, vazhdon të jetë e rrethuar me mister. Mashkulli thuhet se është tmerri i Tropojës dhe Pejës në Kosovë, Agim Madani. Por, kjo gjë nuk është konfirmuar ende zyrtarisht nga policia. Ndërsa për femrën nuk ka asnjë detaj.
Por, një denoncim në faqen “Jeta osh qejf” hedh dritë mbi viktimën e mundshme.
“Sa i përket ngjarjes së fundit në Tropojë, gjithë Tropoja i njeh kush kanë qenë këta persona.
Shteti deklaron se njëri ka qenë Agim Madani, por nuk dihet kush është femra. Pse vallë Policia e Tropojës nuk e tregon?
E them me sinqeritetin më të madh se ata e dinë se kush është ajo, siç e dimë të gjithë tropojanët.
Ajo ka qenë një vajzë nga fshati Shoshan dhe unë e kam kushërirë.
Familja e saj është shumë e varfër dhe ajo shkonte të jetonte tek motra e saj në fshatin Kamenicë.
Motrën e ka të martuar me djalin e Beqë Ukës.
Viktima Agim Madani kalonte nëpër këtë fshat për të shkuar në Kosovë.
Aty e ka njohur vajzën dhe e ka rrëmbyer.
I ndjeri Beqë Uka ka vdekur në verën e vitit 2015.
Por në muajin maj dhe prill të atij viti ai e ka denoncuar humbjen e vajzës në polici dy herë.
Por Policia e Tropojës nuk e ka vënë ujin në zjarr për të marrë masa për këtë punë.
Por mbi të gjitha janë tallë me personin në fjalë, duke i thënë se ta ka marrë, por do ta sjellë prapë sepse janë në muajin e mjaltit”.
