Telashet për Milanin nuk kanë fund dhe në ndeshjen e sotme ndaj Veronës duket se do të ketë një mision të pamundur për të marrë një rezultat pozitiv. Pas mungesave të konfirmuara të Ibrahimovic, Calhanoglu, Bennacer, Mandzukic dhe Rebic, shtohen edhe dy të tjerë.
Theo Hernandez dhe Sandro Tonali kanë lodhje muskulore dhe nuk do të luajnë si titullarë. Pavarësisht se do të jenë në stol, trajneri Pioli nuk pritet të rrezikojë dhe të dy lojtarët nuk pritet të aktivizohen.
Vendin e tyre do ta marrin Dalot dhe Meite. Mungesa të shumta për Milanin, që duket se ditën e sotme do ta ketë të pamundur ndaj një kundërshtari që vrapon pafund, siç është Verona e Juric.
