Bordi i Transparencës ka vendosur çmimet e reja të shitjes me shumicë dhe pakicë të karburanteve, në mbledhjen e zhvilluar këtë të martë, më 17 nëntor 2026.
Sipas vendimit të Bordit, çmimet maksimale të shitjes do të jenë:
– Benzina: 164 lekë/litër me pakicë dhe 152 lekë/litër me shumicë.
– Nafta për peshkimin: 112 lekë/litër.
Çmimet e reja hyjnë në fuqi sot në orën 17:30, dhe do të mbeten në fuqi deri në mbledhjen e ardhshme të Bordit, kur do të shqyrtohen ndryshimet e mundshme.
Bordi u ka kujtuar operatorëve të tregtimit me shumicë dhe pakicë detyrimin për zbatimin e këtyre çmimeve. Në rast shkeljesh, ndaj subjekteve përgjegjëse do të vendoset pezullimi i aktivitetit.









