Mats Hummels nuk do të luajë në ndeshjen e kthimit ndaj Real Madridit të martën mbrëma
Mbrojtësi i Bayern Munich, Mats Hummels, i cili mungoi në humbjen 1:2 në “Alianz Arena” nga Real Madridi, duket se do të mungojë edhe në ndeshjen e kthimit në “Santiago Bernabeu”.
Një gjë të tillë e ka bërë të ditur vetë lojtari për “Bild”.I pyetur se a do të luajë në ndeshjen e kthimit në Madrid, Hummels është përgjigjur: “Do të jetë shumë e vështirë”, duke konfirmuar se nuk është gati.
Për Bayernin do të mungojë edhe Martinez, që mori karton të kuq në sfidën e parë. Alaba pritet të sakrifikohet, i cili duket se do të luajë në qendër të mbrojtjes në “Santiago Bernabeu”, përgatiti ”Express”. (b.an)
