Duket se dhuna në familje është një fenomen që nuk di të ndalet. Ngjarja tragjike e së enjtes kur gjyqtarja e SHkodrës Fildes Hafizi u vra nga ish-bashkëshorti, është vetëm një prej historive të rënda të kohëve të fundit.
Sot një ditë pas tragjedisë, historia e thyerjes së urdhrit të mbrojtjes përsëritet por fatmirësisht këtë herë ngjarja përfundon vetëm me dëmtime për një nënë nga Saranda.
Një 29-vjeçar u arrestua në flagrancë pasi ngriti dorë ndaj nënës së tij duke e dhunuar shkruan JavaNews. Ky i sotmi ishte episodi i radhës, pasi ai e kishte dhunuar edhe më parë atë që e solli në jetë.
Madje i riu Enea Qëndro, 29-vjeçar, nga Saranda, ishte i detyruar të mos afrohej pasi për nënën me inicialet E.Q. ishte vendosur urdhër mbrojtje pasi dhunohej edhe më parë nga djali.
Para 1 viti, Enea Qëndro u dënua me 1 vit burg pikërisht për dhunë ndaj nënës, ndërkohë më herët ai është dënuar edhe për plagosjen me thikë të një shoku të tij./JavaNews/a.m.
