Një atentat me eksploziv i është bërë ish-kandidatit për kryetar të Bashkisë Vlorë, Vasil Bedinaj. Ngjarja ka ndodhur sot në orët e para të mëngjesit në zonën e Liqenit të Thatë në Tiranë.
Sipas burimeve të gazetës Panoramës brenda Policisë, automjetit tip “Benz” të Vasil Bedinajt i ishte vendosur rreth 460 gr tritol.
Fatmirësisht, Vasil Bedinaj i ka shpëtuar këtij atentati, pasi lënda plasëse nuk shpërtheu. Policia ka nisur menjëherë hetimet për zbardhjen e kësaj ngjarjeje.
Verde Watches Albania
NJOFTIMI I POLICISE
Më datë 24.03.2016, u referuan materialet në Prokurorinë e Rrethit Gjyqësor Tiranë dhe punohet për identifikimin dhe kapjen e autorit, sepse në rreth orës 07:30, tek “Liqeni i Thatë”, shtetasit V. B., 44 vjeç, banues në Vlorë, në automjetin e tij tip “Mercedes Benz”, në pjesën e poshtme i kanë vendosur një objekt të dyshuar si lëndë eksplozive, e llojit C-4, në masën 450 (katërqind e pesëdhjetë) gr.
Nga veprimet hetimore rezultoi se lënda eksplozive nuk është shpërthyer për arsye të paqarta, pasi kapsolla detonatore e vendosur brënda lëndës plasëse ka bërë eksplodim. Parashikuar nga Nenet 78, 22, e 278/5 të Kodit Penal.
