Thatësira nxjerr në dritë edhe më shumë skelete nga liqeni i Nevadës.
Me sa duket, mbetje njerëzore, përfshirë një kockë nofulle me dhëmbë ende në vend, janë nxjerrë nga liqeni më i madh i krijuar nga njeriu në Shtetet e Bashkuara, ndërsa një thatësirë e vazhdueshme shkakton uljen e niveleve të ujit në shtetet perëndimore.
Shërbimi i Parqeve Kombëtare të SHBA-së tha se kishte marrë raportime për mbetje skeletore në brigjet e liqenit Mead, Nevada.
Incidenti “është nën hetim dhe nuk ka informacione të mëtejshme në dispozicion në këtë kohë”.
BBC raporton se nivelet e ujit në liqen kanë rënë që nga viti 2000.
Autoritetet amerikane thonë se javën e kaluar nivelet e ujit në liqen ranë në 316 metra mbi nivelin e detit, dukshëm nën nivelin e mëparshëm rekord të ulët të regjistruar në korrik 2022.
Në fakt, në vitin 2022, kur niveli i Liqenit Mead kishte rënë përsëri për shkak të thatësirës, u gjet një trup në një fuçi, ndoshta nga vitet 1970 ose 1980, si dhe mbetje të tjera skeletore.
