Një aksident ka ndodhur mëngjesin e sotëm në afërsi të Golemit në Kavajë.
Një tren është përplasur me një automjet ku ndodhej një familje e tërë, prindërit dhe 4 fëmijë
Makina u mor zvarrë 100 metra, por anëtarët e familjes kanë shpetuar për mrekulli.
Makina me targa angleze drejtohej nga shtetasi me iniciale B. C. rreth 40 vjeç, banues në Durrës, i cili në mjet ka qenë me bashkëshorten dhe katër fëmijët.
Shtetasit e mësipërm ndodhen në Spitalin Rajonal Durrës jashtë rrezikut për jetën. Grupi hetimor po punon për sqarimin e rrethanave të ngjarjes.
Kalimi i paligjshëm i mjeteve dhe këmbësorëve mbi linjat e hekurta vazhdon të shkaktojë të lënduar e viktima me një kosto të lartë për shoqërinë. Prej vitesh është ngritur shqetësimi për mbylljen e këtyre kalimeve të paligjshme por drejtues mjetesh dhe këmbësorë vazhdojnë t’i përdorin për të shkurtuar rrugë pa marrë parasysh rrezikun e pasigurinë.
Dyshohet se në aksidentin e fundit ka qenë vetëbesimi i tepruar i drejtuesit të mjetit se mund ta kalojë linjën hekurudhore para afrimit të trenit, që ka vënë në rrezik jetët e të gjithë familjarëve që ndodheshin në mjet.
a.ç
