Policia e Vlorës sekuestroi 640 gramësh lëndë narkotike e llojit kokainë dhe arrestoi 3 posedues të drogës. Në kuadër të operacionit policor të koduar “trekëndëshi”, blutë e qytetit bregdetar arrestuan dy adoleshentë me inicialet Gj.M dhe Xh.V., përkatësisht 15 dhe 16 vjeç, si dhe 50 vjeçarin Ilia Papa. Referuar hetimeve, ky shtetas siguronte sasinë e drogës ndërsa dy minorenët kryenin shpërndarjen e saj me doza të vogla. Dy minorenët u ndaluan pranë rrugës së spitalit të Vlorës me 350 gram kokainë të ndarë në disa doza, si dhe një pistoletë tip Zastava.
Ndërkohë në banesën e 50 vjeçarit Papa në fshatin Babicë u sekuestruan 290 gram kokainë. Gjatë këtij operacioni u sekuestrua edhe një mjet tip “Peugeot” si dhe sende të ndryshme që përdoreshin për aktivitetin kriminal.
