Finalizohet operacioni “Tregëtari”, sekuestrohet një armë zjarri automatike dhe një armë zjarri pistoletë.
Më datë 09.06.2016, sherbimet e policisë të Komsariatit të Policisë Nr 1, në kuadër të këtij operacioni kanë arrestuar në flagrancë shtetasin,
Isa Haka, 50 vjeç, banues në Tiranë.
Mbi bazen e informacioneve të marra në rrugë operative se Isa Haka dispononte armë e municion luftarak, është bërë menjëherë kontroll në banesën e tij, ku janë gjetur dhe sekuestruar në cilësinë e provës materiale:
– Një automatik, model 56, “AK 47”, një krehër me 27 fishekë,
– Një pistoletë, 8 mm, “Blow Mini Mod 2003”, një krehër me 5 fishekë,
– 13 fishekë për pistoletë model 56, “TT”,
– 5 fishekë, model 7.62 mm
Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale “Prodhimi dhe mbajtja pa leje e armëve luftarake dhe e municionit”, parashikuar nga Neni 278/3 i Kodit Penal./a.r.
