Familja Hysa përjetoi humbjet më të rënda nga dora gjakatare e Dan Hutrës, vrasësit serial që më 1 Mars vrau 3 gra dhe plagosi 3 gra të tjera.
Në familjen e ish-bashkëjetueses së tij Elena (Alketa) Hysa, Dan Hutra vrau Mevlute Hysën 30 vjeçe (motra e ish-bashkëjetueses së tij) dhe Hasime Dafku 30 vjeçe (e fejuara e vëllait të ish-bashkëjetueses), si dhe plagosi ish-bashkëjetuesen Elena Hysa 35 vjeçe dhe nënën e saj Kujtime Hysa 60 vjeçe.
Emisioni Uniko nga Spartak Koka në Klan Plus ka intervistuar famijen Hysa. Babai i Elena Hysës ka treguar si mësoi ngjarjen për herë të parë.
Spartak Koka: Si e mësuat ngjarjen? Kush ju njoftoi?
Zaim Hysa: Unë isha tek vëllai. Kur erdha nga shtëpia gjeta policinë këtu. Një komshiu më thotë mua ndalu njëherë. Unë duke u talluar me atë komshiun, duke i thënë pse rri këtu. I pashë njerëzit po thashë….Më thotë ndalu këtu ndalu, sepse s’ke për të shkuar atje. Ishin njerëz këtu. Të kanë vrarë te shtëpia. Çfarë më kanë vrarë? Edhe nuk durova dot më.
Spartak Koka: E more vesh kë të kishin vrarë, kë të kishin plagosur, kush ta kishte bërë?
Zaim Hysa: Jo.
Spartak Koka: Ta thanë që kush e ka bërë krimin?
Zaim Hysa: Jo.
Spartak Koka: Ta tha pastaj policia kur erdhe këtu?
Zaim Hysa: Jo. Policia s’e dinte për vete.
Spartak Koka: Ty ku të shkoi mendja?
Zaim Hysa: Unë e dija që ky e ka bërë këtë.. Edhe më pyetën mua këta, a ke folur me të? Kur ka dalë prej burgu? S’di gjë unë thashë kur ka dalë, po për të folur kam folur.
Spartak Koka: Kishe folur ti pasi ka dalë nga data 16 Shkurt? Kishe folur në telefon me Dan Hutrën?
Zaim Hysa: Po. Ka marrë ai në telefon. Më tha mua, kur t’i bie ato lekët që të kam borxh. 3300 Euro. Gjoja sipas atij.
/e.d
