Policia e Durrësit ka zbardhur dinamikën e ngjarjes së sotme ku mbetën të plagosur tre shtetas.
Sipas bluve të qytetit bregdetar, të plagosur kanë mbetur Elvis Kurti, Ervin Qerimi dhe Eloert Hoxha. Këta dy të fundit janë plagosur me thikë, ndërsa Kurti mësohet të jetë qëlluar me armë zjarri.
Mësohet se në ngjarje është përfshirë edhe një person i katërt. Ai quhet Elton Hoxha, por policia ende nuk ka bërë të ditur rolin e tij në sherrin e sotëm.
Shkak i plagosjeve mendohet të ketë qenë një sherr banal, ndërsa ngjarja ka ndodhur brenda një dyqani në Durrës.
