Trazirat politike në Turqi, të cilat kulmuan me tentativën për grusht shteti, me sa duket po ndikojnë negativisht edhe në botën e futbollit.
Sulmuesi gjerman Mario Gomez ka bërë sot me dije se është larguar nga klubi i Beshiktashit, për shkak të situatës politike në vend.
“Arsyeja është vetëm e lidhur me situatën politike. Nuk ka asnjë arsye sportive apo tjetër që ka ndikuar te unë në marrjen e këtij vendimi. Gjithçka ka ardhur si rezultat i zhvillimeve të ditëve të fundit në Turqi”, shkruan sulmuesi përmes një postimi në rrjetet sociale.
“Më është dashur të mendohem gjatë lidhur me këtë situatë të vështirë. Më duhet t’u them tifozëve të Beshiktashit që për mua personalisht do të jetë i rëndë fakti që s’do të luaj më për këtë klub të madh, me tifozë të mrekullueshëm. Shpresoj që problemet politike të zgjidhen sa më shpejt dhe në mënyrë paqësore”, thekson 31-vjeçari.
ma.me
