Policia e Dibrës ka arrestuar 5 persona nën akuzën e armëmbajtjes pa leje dhe trafikimit të narkotikëve.
Operacioni është zhvilluar në kuadër të proçedimit me metoda speciale të hetimit për veprat penale “Prodhim dhe shitje të narkotikëve në bashkëpunim”, dhe “Trafikim i armëve dhe municionit”, nisur më parë nga Sektori Kundër Narkotikëve dhe Trafiqeve në D.V.P.Dibër në bashkëpunim me Prokurorinë e Rrethit Dibër.
Në kuadër të këtij proçedimi, Specialistët për Narkotikët në Drejtorinë e Policisë Vendore Dibër në bashkëpunim me Njësinë Operacionale Speciale në Drejtorinë e Policisë së Shtetit kanë finalizuar ne sukses operacionin ku kanë bërë arrestimin në flagrancë të shtetasve, Artur Dërvishi 36 vjeç banues në fshatin Krajkë Bulqizë, Astrit Kurti 26 vjeç banues në Shupenzë Bulqizë, Vladi Sinani 25 vjeç banues në Shupenzë Bulqizë, Gëzim Lleshi 23 vjeç banues në Shupenzë Dibër, K.L 16 vjeç banues në Sopot Bulqizë. Po ashtu është shpallur në kërkim shtetasi N.L.
Gjatë operacionit u sekuestruan në cilësinë e provës materiale, lënda narkotike, arma e zjarrit pistoletë, automjeti tip Ford Focus me targa AA 245 IE, si dhe 6 telefona celularë të markave të ndryshme.. Këta shtetas në bashkëpunim me njëri -tjetrin kryenin shpërndarje të lëndës narkotike Canabis Sativa në sasi të vogla në qytete të ndryshme brenda vendit.
