Policia e Elbasanit ka arrestuar një 54-vjeçar nga Tirana për dhënie ndihmë për kalim të paligjshëm të kufirit shtetasve nga vendet e treta.
Shtetasi E.J, banues në Sauk, u kap nga shërbimet e Policisë në qytetin e Prrenjasit duke transportuar me mjetin e tij tre shtetas të huaj, në drejtim të Shkodrës, me qëllim dhënien e ndihmës për kalim të paligjshëm të kufirit kundrejt fitimit.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprimet e mëtejshme. /e.s/
