Të paktën 53 persona kanë humbur jetën nga një zjarr që ra në një qendër tregtare në Rusi, ndërkohë raportohet edhe për 16 persona të zhdukur.
Mediat raportojnë se 41 prej viktimave dyshohet se janë fëmijë.
Tragjedia ka ndodhur në qytetin e Kemerovës, ndërsa forcat e shpëtimit vazhdojnë kërkimet në qendrën tregtare.
Zjarri shpërtheu në një hapësirë të madhe të qendrës tregtare që shërbente si kënd lojërash edhe për fëmijët.
Zjarrfikësit arritën të shpëtonin 120 persona, tha ekipi i emergjencave rajonale. Ndërsa zjarri mendohet se ka përfshirë një sipërfaqe rreth 1600 metra katror.
Zjarri ka rënë në një qendër tregtare në qytetin Kemerovo, rreth 3,000 kilometra në lindje të Moskës, ndërkohë ende nuk është bërë i ditur shkaku.
