Për shqiptarët e akuzuar si të përfshirë në një rrjet ndërkombëtar të drogës, prokuroria italiane kërkoi mbi 24 vite burg.
Ata ishin pjesë e bandës rivale të “mafies Viterbo”.
Pas një viti në paraburgim, të gjithëve u është dhënë masa arrest shtëpiak, në pritje të vendimit përfundimtar të hetimeve dhe gjyqit.
Prokurori Corrado Fasanelli kërkoi një total prej mbi 24 vjet burgim për të katër shqiptarët: Rudenc Medolli, Armand Cuni, Mario Kelmendi dhe Fatjan Sopi.
Avokatët mbrojtës të tyre do të flasin më 16 tetor, ditën në të cilën pritet gjithashtu që të jepet dënimi.
Sopi, Kelmendi, Cuni dhe Medolli janë katër trafikantë shqiptarë, të arrestuar gjatë një operacion blic antidrogës i koduar “Underground” i realizuar më 13 qershor 2019.
Droga ishte blerë në Belgjikë, trafikuar në Shqipëri dhe më pas dërgohej në Itali.
Banda do të kishte krijuar një rrjet të tregtarëve të vegjël lokalë të drogës, të shpërndarë në të gjitha qendrat kryesore të provincës, të cilët kishin rolin e “punëtorëve”.
Me uljen e një të tretës së dënimit të parashikuar nga gjykimi i shkurtuar, prokuroria kërkoi konkretisht: 6 vjet, 10 muaj dhe 20 ditë burgim për Armand Cuni, 45-vjeç, banues në Viterbo, 7 vjet e 2 muaj për Mario Kelmendi , 24 vjeç, 8 vjet për Fatjan (Fation) Sopin, 29 vjeç, si dhe 2 vjet e 4 muaj burg për Rudenc Medolli, 38-vjeç.
Medolli u dënua “vetëm” për paraburgim me qëllim të tregtisë së drogës dhe për plagosje të rënduar, pasi ai dyshohet se ka marrë pjesë në rrahjen brutale të një maqedonasi, ankesa e të cilit lejoi hetuesit të gjurmonin bandën.
Mes të arrestuarve, një tjetër shqiptar, Erjon Collaku, 40 vjeç, po gjykohet në Viterbo në një proces të zakonshëm, i cili dyshohet se kishte rolin e “korrierit” në kontekstin e shoqatës kriminale që synonte trafikimin ndërkombëtar, transportimin e kokainës nga një vend evropian tek tjetri dhe gjithashtu në Viterbo.
Gjyqi u hap të martën përpara kolegjit të kryesuar nga gjyqtarja Silvia Mattei, në prani të prokurorit romak Fasanelli, i cili kërkoi transkriptimin e përgjimeve.
/a.r
