GREQI– Një rrjet i trafikut të heroinës është goditur ditën e sotme nga policia greke. Gjatë aksionit të realizuar në Korfuz, janë bërë në pranga tre shtetas shqiptarë të moshës 21, 28 dhe 51-vjeç, dhe dy shtetas grekë 38 dhe 57-vjeç.
Ndërkaq, policia vijon kërkimet për anëtarët e tjerë të grupit, pesë shqiptarë të moshave 19-31 vjeç, dhe tre shtetas greke të moshave 28 deri 47 vjeç.
Mësohet se drejtues i grupit ishte një 28-vjeçar shqiptar, identiteti i të cili nuk bëhet ende i ditur. Gjatë aksionit të policisë janë sekuestruar 805 gramë heroinë, 3520 euro, 1 makinë, 1 motorr dhe 6 celularë. (BalkanWeb)
