Gjykata e Krimeve të Rënda dënoi me 15 vite burg shtetasin kolumbian Cesar Augusto Triana, i akuzuar për trafikimin e 246 kilogram kokaine nga Ekuadori.
Triana u arrestua vitin e shkuar, pasi sasia e drogës u bllokua nga autoritetet e Malit të Zi, pas një kontrolli që u bë në kontejnerin me banane në anijen e trafikut.
Droga kishte destinacion Shqipërinë e më pas shpërndarjen në të gjithë Evropën.
Shtetasi kolumbian u arrestua nga policia shqiptare në Qershor të vitit 2014, dhe hetimet zbuluan se ai kishte ardhur në Shqipëri të merrte pagesën për sasinë e drogës.
Ai u ndalua në Rinas, në tentativë për tu larguar nga vendi me një pasaportë spanjolle.
