Policia italiane ka goditur një grup kriminal ku janë sekuestruar 38 kilogram marijuanë dhe 7.4 kilogram heroinë.
Mësohet se drogë më vlerë mbi gjysmë milion euro vinte nga Shqipëria dhe do të shpërndahej në Napoli.
Nga ky operacion kanë rënë në pranga 26 persona.
Hetimet për grupin kriminal kanë nisur që në Maj të vitit 2016. 26 personat e arrestuar akuzohen për ngritjen dhe pjesëmarrjen në një grup kriminal ndërkombëtar të dedikuar për importimin e drogës, në veçanti heroinës, nga Shqipëria dhe më pas shpërndarjen e saj në sheshet e zonës së Napolit dhe Casertas.
Operacioni “Smoke Snake”, i koordinuar nga Drejtoria e Antimafias së Napoli, ka përfshirë mbi 100 efektivë të Guardia di Finanza në Caserta.
Gjatë orëve të para të mëngjesit është zhvilluar një operacion policor ndërkombëtar antidrogë në zonën e Napolit dhe Kazertas. Ky operacion ka bërë të mundur të shkatërrohet një organizatë kriminale Italo-Shqiptare dhe gjatë ditës së sotme janë lëshuar 26 urdhër arreste nga Prokuroria e Napolit. Operacioni i koduar “SMOKE SNAKE” është kryer nga Guardia di Finanza e Marcianise dhe ka filluar në Qershor të vitit 2016.
Që me nisjen e hetimit të këtij grupi deri në finalizimin e operacionit ka patur një shkëmbim në kohë reale informacionesh mes Policisë së Shtetit, Guardia di Finanza-s dhe Policisë Italiane nëpërmjet Zyrave Ndërlidhëse në Itali dhe Tiranë.
Nga viti 2016 janë sekuestruar 38 kg Marijuanë dhe 8 kilogramë Heroinë.
500 mijë euro pasuri: 2 apartamente, 1 autoveturë, 3 kompani, 65 llogari bankare 18.000 euro në Cash.
Komunikata e Policisë së Shtetit shqiptar:
Gjatë orëve të para të mëngjesit janë ekzekutuar 21 urdhër arreste, për 21 shtetas;
18 Italianë dhe 3 Shqiptarë.
Shtetasi Shqiptar me iniciale L.C. vjeç 36 u arrestua sot gjatë operacionit, ndërsa dy të tjerë janë arrestuar më parë në flagrancë po në kuadër të këtij operacioni.
E.N. vjeç 26 ka qenë i arrestuar dhe iu bë njoftimi i urdhër arrestit në burg.
E.Sh vjeç 39 ka qenë i arrestuar dhe iu bë njoftimi i urdhër arrestit në burg.
Gjatë operacionit është sekuestruar edhe një sasi Heroinë, rreth 1 kg në Napoli.
Po gjatë operacionit janë sekuestruar edhe asete të tjera të përfituara nga veprimtaria kriminale që kalojnë gjysmë milioni euro.
Organizata kriminale operonte në fushën e drogave të forta kryesisht të tipit Heroinë në zonën e Napolit dhe Kazertas.
Operacioni është në vazhdim dhe për këtë arsye nuk mund të japim detaje të mëtejshme.
a.ç
