Një e moshuar është gjetur e vdekur në njësinë Bërzhitë të Tiranës. Shtetasja me inicialet F.H. u gjet nga banorët e fshatit Mihajas të cilët njoftuan policinë.
E moshuara e cila jetonte e vetme, pasi burri i kishte vdekur, është gjetur me këmbë e duar të lidhura.
Ajo ka vdekur nga asfiksia dhe sipas të dhënave e moshuara mund të jetë mbytyr në tentativë grabitjeje.
Njoftimi i policisë:
Në numrin e Emergjencave 112 të sallës operative Tiranë ka ardhur një telefonatë se në fshatin Mihajas të Njësisë Administrative Bërzhitë, në banesën e saj është gjetur e vdekur shtetasja F. H ,74 vjeçe.
Menjëherë u ngrit grupi hetimor dhe shkoi në vendngjarje.
Nga kqyrja paraprake e kufomës dyshohet se e moshuara është lidhur këmbë e duar dhe dyshohet se vdekja ka ardhur si pasojë e asfiksisë si pasojë e bllokimit të rrugëve respiratore.
Nga informacionet e marra kjo shtetase jetonte e vetme (e ve).
Kufoma do të dërgohet pranë IML për kryerjen e autopsisë nga mjeku ligjor.
Po punohet për sqarimin e plotë të rrethanave të ngjarjes
