Një 30-vjeçar nga Tirana është arrestuar ditën e sotme në vendin e quajtur Rruga e “Arbrit”, pasi i është gjetur një armë zjarri në makinë. Gjatë një kontrolli që forcat e komisariatit nr.5 kanë ushtruar në mjetin e tij tip “Volksvagen”, me targë TR 2489 I, në sediljen e pasme të mjetit, i është gjetur një armë zjarri e llojit “Kallashnikov”, model 56 dhe një krehër me 30 fishekë.
Pas kësaj, policia ka vënë në pranga 30-vjeçarin Ilmi Flora. Ndërkaq, materialet në ngarkim të tij iu kaluan Prokurorisë pranë Gjykatës së Shkallës së Parë Tiranë, për veprën penale, “Prodhim dhe mbajtje pa leje e armëve luftarake dhe e municionit”.
