Një 51-vjeçar është arrestuar nga Policia e Tiranës, pasi është kapur duke vjedhur në urbanin e Unazës në kryeqytet. GJ.S kishte ardhur nga fshati Babicë i Vlorës dhe kur ka marrë urbanin e Unazës për të lëvizur, ka grabitur një vajzë.
51-vjeçari i ka marrë portofolin studentes K.R 23 vjeç, ku brenda tij kishte dokumenta dhe një sasi parash. Ngjarja ka ndodhur dy ditë më parë, kur vajza e ka kuptuar se i është marrë portofoli dhe ka lajmëruar policinë raporton Shqiptarja.
Nga kontrolli rezultoi se ka qenë 51-vjeçari nga Vora ai që kishte kryer grabitjen, i cili tashmë do akuzohet për vjedhje, vepër penale që dënohet deri në 3 vite burg./b.d.
