4 muaj e 15 ditë burg dha Gjykata e Apelit në Durrës për ish-kryetarin e Komunës Rrashbull, Hysen Gashi.
Ai akuzohet për shpërdorim të detyrës, pasi ka dhënë leje për ndërtimin e 16 pallateve në Shkëmbin e Kavajës.
Gjykata e Shkallës së Parë e kishte shpallur të pafajshëm ish-kryekomunarin.
Hysen Gashi u arrestua në korrik të 2014, ku në bashkëpunim me 6 persona të tjërë u akuzuan për dhënien e lejeve abuzive për 16 pallate në Shkëmbin e Kavajës.
Prokuroria e Durrësit kërkoi 5 vjet burgim .
Së bashku me të pandehurin Gashi, ishin konsideruar përgjegjës edhe 5 ish-zyrtarë të Komunës Rrashbull, për të cilët, pas një shqyrtimi gjyqësor me procedurë të shkurtuar, ata u shpallën fajtorë nga gjykata e Durrësit. /b.d
