Shpesh, shkaqet e divorceve janë ose tradhtia, ose ekonomia, mirëpo zhvillimi teknologjik duket se po “fut këmbët” mes çifteve shqiptare.
E kemi fjalën për rrjetet sociale, veçanërisht për TikTok-un. Avokatja, Aurora Marku, e ftuar sot në “Aldo Morning Show”, sqaron se TikTok-u ka sjellë shumë divorce në vendin tonë, teksa ka ndarë dhe eksperiencën e saj me një çift që u nda për shkak të këtij rrjeti social.
“Unë kisha një rast që fatmirësisht e mbylla, i hoqa qafe, pasi ishin shumë konfliktues me njëri-tjetrin. Ishte rast, vallaj, për t’u hequr qafe. Zonja ishte shumë konfliktuale. Divorci u hap nga bashkëshorti, pasi ajo kishte një varësi të tmerrshme nga TikTok-u, gjë që e çonte deri aty sa kyçte bashkëshortin bashkë me dy fëmijët. I kyçte në dhomë gjumi me orë të tëra. Ata nuk kishin mundësi as të ushqeheshin, qoftë edhe për të vajtur në tualet nuk i linte. Ishte zyshë, jepte mësim në një nga gjimnazet këtu në Tiranë dhe kjo kishte mbi dy muaj që çdo ditë hynte live në TikTok dhe kyçte bashkëshortin me dy fëmijët”, u shpreh avokatja.
Më tej, Marku sqaron se gruaja nuk ka mbajtur kujdestarinë e fëmijëve, pasi i shihte si pengesë.
