Arsenal arriti të mposhtte kryesuesin Leicester City me një gol të shënuar në minutën e 95-të të takimit, duke e bërë më interesante garën për titull. Skuadra e drejtuar nga Ranieri shënoi në shtesën e pjesës së parë, me të zakonshmin Vardy, me penallti, por një karton i kuq në të dytën e vuri në vështirësi para Arsenalit agresiv.
Walcott barazoi në minutën e 70-të, ndërsa Welbeck i dha fitoren në minutën e pestë shtesë.
Leicester mbetet në krye me 53 pikë, ndërsa Arsenali ka 51, në vendin e dytë, pozicion që ka mundësi ta ruajë, pasi Tottenham, me tri pikë më pak, luan në transfertë me Manchester City.
