Partia Demokratike kërkonte në korrik të këtij viti që maskat të ishin detyrim jo vetëm në mjedise të mbyllura, por edhe të hapura.
Ishte ish-deputeti i PD-së, Tritan Shehu i cili më 18 korrik bënte thirrje që qytetarët të përdorin maskat jo vetëm në mjedise të mbyllura.
“Në përballjen me këtë epidemi të rrezikshme është thelbësore që të gjithë të realizojnë detyrimet individuale, shoqërore, profesionale, institucionale, ligjore. Duke e filluar nga qytetarët, u bëj thirrje atyre të respektojnë me rigorozitet rregullat e kërkuara higjieno-sanitare, të ruajnë distancën fizike mbi 2 m, të përdorin jo vetëm në ambientet e mbyllura maskat, t’i drejtohen mjekut të familjes për çdo shqetësim”, shprehet ai.
Ndërsa në thirrjen drejtuar institucioneve ai shprehej: “Siguroni maskat për çdo ditë për qytetarët, duke përcaktuar dhe llojin e tyre, detyrë kjo sot e shtetit e kontrolloni. Zgjeroni detyrimin e përdorimit të maskave edhe në ambiente të hapura me dendësi, a për distanca nën 2 m, për personelin e lokaleve etj.”.
/a.r
