Presidenti i Kosovës, Hashim Thaçi, ka uruar presidentin e ri të Venezuelës, Juan Guaido, për marrjen e postit. Ai madje e ka ftuar Guaidon që u vetëshpall presidenti, ta vizitojë Kosovën. Thaçi thotë se, ashtu si aleatët e saj, edhe Kosova e njohu shpalljen e Juan Guaidos, president të Venezuelës.
“Urimet më të mira për Presidentin e Venezuelës, Guaido. Kosova e ka njohur dje tranzicionin, sipas linjës së aleatëve tonë dhe sipas vlerave që ne ndajmë”, ka shkruar Thaçi, transmeton Gazeta Express.
Thaçi shprehet i lumtur për rënien e diktaturës në atë vend dhe ftoi kreun e ri të Venezuelës që së shpejti ta vizitojë Kosovën, dhe së bashku të nxisin marrëdhëniet mes dy vendeve.
“Unë të ftoj në Kosovë. Ne gjithashtu jemi rritur si një feniks disa dekada pas diktaturës”, ka shkruar tutje presidenti.
Juan Guaido, lider i opozitës që u vetëshpall president pas protestave kundër ish presidentit, Nicolas Maduro./a.meta
