Momente terrori nga Izraeli. Ish-futbollisti më i famshëm izraelit, Josi Benajun, i mbijetoi një drame të vërtetë familjare në luftën që po vazhdon aktualisht në Rripin e Gazës.
“Sport 5” izraelite raporton se familja e motrës së tij u sulmua nga terroristët, TEKSA nipi i futbollistit të famshëm vrau tre anëtarë të Hamasit në shtëpinë e tij, ndërsa kunati i ish-futbollistit u plagos dhe iu nënshtrua një operacioni.
Familja e Benajun, i cili ka luajtur edhe në Premier Ligë me Liverpulin, Çelin dhe Arsenalin, jeton në Rripin e Gazës. Pavarësisht rrezikut të madh me të cilin u përballën, familja e Benajunit i mbijetoi sulmit duke u hedhur nga çatia dhe duke u arratisur te ushtarët izraelitë.
Veprimet e nipit u vlerësuan si një mrekulli, duke nxjerrë në pah guximin dhe qëndrueshmërinë e tij përballë fatkeqësive të tilla kërcënuese për jetën. Vlen të theksohet fakti se 43-vjeçari, Benajun aktualisht është drejtor teknik i kombëtares së Izraelit./m.j
