Ministri i Jashtëm në detyrë i Shqipërisë Gent Cakaj reagoi i pari nga zyrtarët e lartë të vendit tonë, pas tërmetit të mbrëmjes së sotme në Turqi.
Tërmeti me pasoja të rënda, pati një magnitudë 6.8.
Cakaj shprehet se ndihet thellësisht i shqetësuar për situatën në Turqi, ndërsa shton se në këto momente ndihet pranë vëllezërve turq.
“Jam i shqetësuar thellësisht për tërmetin e fundit që tronditi Turqinë. Në këto momente të vështira, ndodhemi pranë vëllezërve tanë turq, të prekur nga tërmeti. Mendimet dhe lutjet tona janë për Turqinë”, shkruan Cakaj në mesazhin e tij në Tëitter.
Turqia ishte një nga vendet që dhuroi ndihmë e kontribut të çmuar për Shqipërinë, kur vendi ynë u trondit nga lëkundjet.
Drejtoria e Menaxhimit të Fatkeqësive Natyrore dhe Emergjencave Civile në Turqi (AFAD) i dorëzoi qeverisë shqiptare 480 tenda (çadra) familjare të përshtatshme për çdo lloj klime dhe me vlerë totale 350 000 euro.
Po ashtu me nismën e presidentit Erdogan, do të ndërtohen në vendin tonë 500 apartamente për të prekurit nga tërmeti.
/a.r
