Kryeministri Edi Ram tha gjatë takimit me ambasadorët se pas tragjedisë i ka shkruar letër edhe presidentit Trump.
“I kam shkruar një letër edhe presidentit Trump, jemi plot me shpresë. Ne mund të bëjmë historinë në këtë moment, gjithmonë nëse punojmë bashkë. Është thelbësore që të japim mesazhe të qarta, jo me fjalë, por duke vepruar.
Njerëzit duan të informohen se kur do të kthehen në shtëpi. Koha është thelbësore, duhet të bëjmë më shumë se ajo çfarë është e dukshme. Puna e inspektorëve do të mbështetet në instiktin e tyre të menjëhershëm”, tha Rama.
Ndërkohë ambasadori japonez deklaroi gjatë takimit se edhe vendi i tij është prekur shumë herë nga tërmetet dhe se qeveria japoneze ka vendosur të dërgojë tenda dhe mallra.
Përfaqësuesi i OKB deklaroi gjatë takimit se do të trajnojmë shqiptarët për të bërë vlerësimin e ndërtesave.
“Mund të mbështeteni tek ndihma jonë, do jemi në kontakte të vazhdueshme. Ne kemi programe, projekte për të kthyer këta njerëz në jetën e përditshme”, tha ai.
g.kosovari
