Më shumë se 20 persona janë plagosur pas një tërmeti me magnitudë 5.9 ballë që goditi zonën e Tokios së Madhe të dielën , sipas shërbimit të zjarrfikësve.
Lëkundjet shkaktuan dëme dhe probleme në disa zona. Në një prej lagjeve të Tokios, tubat e ujit shpërthyen duke përmbytur rrugët, ndërsa në disa ndërtesa ashensorët u fikën automatikisht.
Autoritetet raportojnë se nuk janë konstatuar situata të pazakonta në impiantet bërthamore. Trafiku hekurudhor u pezullua përkohësisht pas tërmetit, por tashmë shërbimet po funksionojnë sipas planit.
Sipas autoritetit meteorologjik japonez, epiqendra e tërmetit ishte në prefekturën Ibaraki, në afërsi të Tokios, ndërsa fokusi ndodhej në një thellësi prej 68 kilometrash.
Zona e Tokios së Madhe përfshin kryeqytetin japonez dhe tre prefektura përreth, me një popullsi totale prej rreth 17 milionë banorësh.
