Një ngjarje e rëndë ka ndodhur mbrëmë në Itali, ku një 45-vjeçar me origjinë shqiptare i identifikuar si Taulant Malaj, ka vrarë vajzën e tij 16-vjeçare dhe një italian 51-vjeçar, Massimo De Santis.
Sipas mediave italiane vrasësi i dyshuar është babai i viktimës 16-vjeçare që punon si bukëpjekës dhe i cili tashmë është ndaluar nga karabinierët.
Në momentin e ngjarjes ka mbetur e plagosur edhe bashkëshortja e vrasësit të dyshuar, ndërkohë që tani ajo është e shtruar në spitalin e Foggia.
Sipas raportimeve të deri tanishme mësohet se 45-vjeçari tentoi të vriste gruan e tij, pasi dyshonte se ajo e tradhtonte, por vajza e tij 16-vjeçare tentoi ta mbronte të ëmën dhe ai e goditi vajzën me thikë për vdekje. Ndërkohë menjëherë pas kësaj ai vrau edhe italian me të cilin ai dyshonte se e shoqja e tradhtonte.
