Pa e siguruar mjetin, një 39-vjeçar në Bulqizë po ngarkonte kamionçinën me gurë e si pasojë mjeti rrëshqiti duke rënë brenda oborrit të banesës së një 55-vjeçari.
Izmir Dumani ishte në shtëpinë e tij kur u godit nga kamionçina e si pasojë humbi jetën.
Ngjarja ndodhi në fshatin Shtushaj këtë të diel.
Drejtuesi i automjetit është shoqëruar në Komisariatin e Policisë Bulqizë për veprime të mëtejshme.
Grupi hetimor ndodhet në vendngjarje dhe po punon për zbardhjen e plotë të rrethanave të këtij aksidenti.
