Policia e Fierit ka vënë në pranga një person, i cili tentoi të grabiste një argjendari. Burime zyrtare nga policia bëjnë të ditur se shtetasi Lajden Azizaj është arrestuar pak orë pas ngjarjes, në afërsi të lumit Gjanica.
“Arrestimi i këtij shtetasi u krye për arsye se ditën e djeshme, rreth orës 21:30, jemi njoftuar për një vjedhje që po ndodhte në argjendarinë në pronësi të shtetasit E.R.
Menjëherë nga ana e policisë filloi kryerja e veprimeve proceduriale dhe organizimi i shërbimeve për kontrollin e krehjen e plotë të territorit me qëllim kapjen e autorit të ngjarjes i cili ishte larguar. Falë punës së bërë, u arrit kapja e personit i cili ishte fshehur në krah të shtratit të lumit Gjanicë. Materialet i kaluan Prokurorisë së Rrethit Gjyqësor Fier.”- thuhet në njoftimin e policisë së Fierit.
