Shtetet e Bashkuara janë duke pozicionuar trupa në Poloni, shtetet baltike dhe Rumani duke nisur nga muaji i ardhshëm si pjesë e ngritjes së sigurisë së rajonit. Kështu thanë të mërkurën zyrtarët e mbrojtjes polake dhe amerikane. Ministri polak i Mbrojtjes Antoni Macierewicz e bëri njoftimin pas bisedimeve me komandantin e trupave tokësore të SHBA në Evropë, gjeneral Ben Hodges, në Żagań, Poloninë perëndimore.
Një ekip ushtaresh, nga brigada e blinduar e Fort Carson, Colorado do të vendoset atje në fillim të muajit të ardhshëm, ndërsa një tjetër forcë e SHBA, një batalion, do të vendoset me 1 Prill, ne Orzysz, në verilindje. Macierewicz tha se ishte “shumë i lumtur që një vendim është marrë nga ana e SHBA për një pozicionim të me hershëm nga c’ishte planifikuar”.
Por ushtria amerikane tha për Associated Press se pozicionimi nuk është përshpejtuar dhe është duke u zhvilluar ashtu siç kishte qenë gjithmonë e caktuar. Hodges tha se trupat do të mbërrijnë në portin gjerman të Bremerhaven më 6 janar dhe do të vendosen menjëherë në Poloni, shtetet baltike dhe Rumani. Transferimi i tyre do të jetë në kohën e duhur dhe do të trajtohen per një provë se “sa shpejt forcat mund të lëvizin nga porti në fushë”, ka thënë ai. “Unë jam i bindur për sinjalin e fuqishëm, mesazhin qe do të dërgojnë Shtetet e Bashkuara, së bashku me pjesën tjetër të NATO-s”, thotë Hodges.
ma.me
