Kryetarja e LSI Monika Kryemadhi ka reaguar pas tensioneve në dyert e gjykatës. Përmes një statusi në rrjetet sociale ajo shkruan se sot Edi Rama po nënshkruan fillimin e fundit të tij.
Postimi i plotë
Edi Rama, fajtori dhe frikacaku i madh, sot po nënshkruan fillimin e fundit të tij në pushtet.
Nuk është mjaftuar me dhunën sistematike ndaj kuksianëve, por sot në mënyrë flagrante ka dhunuar edhe deputetët që ndodhen pranë Gjykatës së Tiranës në mbështetje të protestuesve.
Asgje nuk i ndal më shqiptarët për të drejtat e tyre!
As blindat dhe policia e Edi Ramës dhe as falangat e tij të pushtetit.
Ne do jemi aty në mbrojtje të qytetarëve dhe të drejtës së tyre.
BETEJA SAPO KA FILLUAR!
/a.m.
